陳豪昨日化身成快遞員到尖沙嘴出席「宅急便」服務記者會。對於有消息指佘詩曼是為了出外銀而推劇，陳豪力撐阿佘說：「我會信阿佘係有事，受傷呢啲冇得呃。」早前又傳出阿佘不再續約TVB，陳豪說：「我見到佢問吓佢先，如果真嘅，我希望佢臨走前同我拍多套劇。」
「家等運到」
此外，郭羨妮傳出婚訊，陳豪說：「我好戥佢開心，不過唔會打電話恭喜佢，因為我冇佢電話。」記者笑言他是郭羨妮緋聞表的其中一人，他說：「佢係我入行第一個緋聞，自從呢件事之後我就好清晰男女授受不親呢個精神要長keep，我好少畀電話人，不過家放寬咗，因為要放盤。」再問到陳豪是否只得廖碧兒的電話？他笑說：「我唔話你知，總之我家等運到，要嚟擋唔住。」而擔任司儀的陳倩揚表示老公不希望她於懷孕期間接太多工作。
採訪、攝影：李珮洳