博士蛙（1698）又有新聞！公司噚日宣佈，獨立非執行董事金岩石因為「需要投放更多時間及精力兼顧其他業務」，所以已經辭職唔Do，即日（17號）起生效。而一如其他董事辭任嘅通告咁，博士蛙亦「確認其（金岩石）與董事會之間並無意見分歧」。
咁金生到底有幾忙，華華就真係唔知，但係根據內地行家嘅報道，華華就覺得佢應該唔會太忙嘅！舊年12月，本身係國金證券首席經濟學家嘅金生，突然向國金請辭，原因不詳。而喺請辭之前，金生俾媒體踢爆佢曾經俾花旗國列入黑名單，唔畀佢再入花旗證券界，話佢喺花旗搵食嗰陣曾經多次違規……咁金生家請辭，對博士蛙好唔好，大家諗吓啦！