三色台嘅高清台播緊《鐵甲萬能俠Z》，可惜要返工關係，只要錄低或者上網睇番。我細路仔時代嘅日本機械人動畫真係好好睇，除咗《鐵甲萬能俠》之外，《三一萬能俠》、《六神合體》、《宇宙飛龍》同埋《百獸王》等都相當之正，啲機械人嘅造型同設計簡直一流，家睇番都唔覺得過時，只係啲畫質差啲啫。至於被認為經典中嘅經典《高達》，我就冇乜感覺，可能喺入面有太多角色啩。
以前英足盃好好睇，啲強隊會好認真比賽，唔會好似家嗰啲咁，hea踢或者出弱陣。曼聯今晚喺主場對卡維尼，基於對手實在太弱，加埋下周中要打歐聯，肯定老費會收起晒班主力，不過，紅魔嘅級數高對手幾班，若然唔可以大勝一場，全隊人都要打籮柚。信佢哋可以大炒卡維尼，[-2]都照捧可也。
青蛙仔
心水：曼聯勝[-2]
近5場戰績：WLDWL
心得：大人同細路仔踢波。