石詠莉爆賣淫女星名單

石詠莉爆賣淫女星名單

女星飯局價、賣淫新聞時有所聞,最近由組合Freeze轉為獨立發展的石詠莉,直斥時下o靚模賣淫風氣太濫,她表示剛從一位公關朋友得到一份賣淫價目表,公開有叠字名稱及C、D字母的女星都在賣淫名單之中,她的一位男友人更稱曾和一女星上床。

石詠莉昨日在中環為電影《3D肉蒲團之極樂寶鑑》主題曲《極樂》錄音,她表示作獨立發展後,會盡量收起性感,因為現今風氣太濫,不想人云亦云,她更直斥有某些o靚模行為過份,並以賣淫為業。

石詠莉自出道以來經常性感博出位,甚至四處辣火頭惹是非。資料圖片

「C同D字母都有」

石詠莉說:「我識得一個公關朋友,佢畀咗份上床價目我睇,賣性感唔重要,但搵食都唔好行到呢一步,價錢有幾萬到幾千,我都俾人問過價,嬲過好多次。」她在言談中表露出對賣淫女星有所不滿,她說:「我覺得太張揚,好驚令人誤會自己都係呢啲女人。」
究竟哪幾位女星賣淫?石詠莉提示說:「最近都有出嚟行性感,有雙字(名稱)、C同D字母都有。」問她是否有證據?她說:「有,唔係聽一單案例,我朋友嘅朋友仲畀過錢同佢(某女星)做,嗰個朋友親口同我講,仲問過我係咪,我話我冇,我係為音樂食塞米,就嚟要乞食㖭呀!」

自從Freeze解散後,石詠莉昨日以個人姿態灌錄電影主題曲。

近墨者黑劃清界線

石詠莉聲言認識其中一些賣淫女星,但不算是朋友,她說:「我冇佢哋電話,有都刪除佢哋電話,近墨者黑,要劃清界線,我家新開始,唔想俾人誤會。」
採訪、攝影:魯萍

Freeze三位成員(左起)陳樂榣、石詠莉和甄穎珊甫出道,便走性感大膽路線求上位。資料圖片