政府喺舊年11月推出額外印花稅（SSD）措施之後，樓價繼續飆升，反映措施冇料到，市場都好關注究竟有冇喺SSD之後買入嘅單位，可以成功轉手賺錢。華華近日就喺網上見到一則驚人消息，有人喺網上post咗一段料，話自己喺舊年12月買咗個單位諗住收租，點知日前竟然有一對夫婦以高於購入價35%買佢個單位。不過，究竟係邊個盤，同咩成交價等資料就欠奉，有人喺網上問過內容，但放料者冇回應。
華華即時搵齊各大細代理行嘅老友八啩，結果大家都話冇聽過，仲話咁矚目嘅嘢一定收到風，所以唔信呢單嘢係堅嘅。咁到底堅定流呢？相信政府班官比華華更想知！