今年係兔年，有人話喺本命年會犯太歲，不過噚日啱啱生日、滿48歲嘅「籃球之神」米高佐敦（圖），就好似冇乜影響。呢隻「兔仔」球員時代已經贏盡錦標，包括6屆總冠軍、6次總決賽MVP等等，但做班主後似乎成就麻麻，仲成日畀人笑佢選秀冇眼光，揀埋加域布朗同摩里臣係失敗之作。山貓換咗教練後越打越好，唔通兔年轉運？