華華噚日行經中環，見到有兩隻龐然大兔喺街頭俾人圍住，放心放心，唔係真兔嚟嘅，查實係國衞為咗推廣佢哋新嘅「關心計劃」保險，搞咗個送暖行動，搵咗班青春少艾同兩隻福兔，一齊大派可循環再用嘅暖包畀市民，唔少平時人哋派咩都唔接嘅西裝友，都唔執輸拎番個。國衞個PR姐姐話，佢哋諗住派10萬個暖包，今日就會送暖到尖沙嘴同旺角。