「大帝」勒邦占士舊年夏天喺電視節目講轉會，搞到犯眾憎，回歸克里夫蘭打波時仲畀球迷噓爆。而沉默寡言嘅前鋒保殊（圖），雖然都係離開母會轉投熱火，但作風較溫和，冇數臭母會，所以佢星期三首次返回多倫多比賽時噓聲唔多，保殊亦冇受影響入咗25分，幫熱火作客贏103:95，保殊賽後仲送飛吻俾球迷，風騷到呢……！