千億新抱徐子淇先後為夫婿李家誠誕下兩名女兒晞彤和晞兒，不過由於追仔心切，去年再度宣佈有喜，而且一直盛傳子淇懷孖B，前晚她的雙親在尖沙嘴出席電影《我知女人心》首映，徐母斬釘截鐵否認女兒懷雙胞胎，雖然有6個月身孕的子淇已知胎兒性別，但子淇父親徐傳順表示留待女兒親口公佈。
乖女陪老爺遊日本
子淇老爺李兆基（四叔）思想傳統，恨抱男孫，雖然長子李家傑去年為李家增添三胞胎，不過四叔仍期望子淇生仔，早前他直言若子淇再生女會很失望。子淇雙親前晚被記者追問女兒懷孕的最新狀況，問到兔B性別，徐父望了望身邊太太才回答：「我知道，但遲啲等李太（徐子淇）自己講啦。」其間徐母迴避記者視線，目光投向地下似有所思。
當記者再追問子淇是否懷孖B時，徐母即搶答：「肯定唔係。」徐父透露子淇預產期在今年年中，有指懷孕超過6個月，徐父說：「家差唔多啦。」問到子淇近日是否留家安胎？徐父說：「佢喺屋企休息多啲，新年好似有陪老爺去日本玩，佢都有嚟拜年。」對於已為兩女之母的子淇是否生仔壓力沉重，徐父避談，卻扯開話題談日本之旅說：「開心啫，行程安排相當輕鬆。」
採訪：張俊銘
攝影：陳志嵐