曾帶領英格蘭出戰98年法國世盃決賽周嘅荷杜（圖），講嘢向來唔經大腦，當年一個「報應論」（話傷殘人士係因為前世做得太多衰嘢），搞到連國家隊領隊都冇得做。日前佢又發表偉論，幫天空體育評述富咸對車仔時，用ChineseplayerKneeShinToe嚟嘲笑頻頻失機嘅F托，明寸佢同中國球員一樣咁屎波。雖則佢認衰，事後嗱嗱聲道歉，但無論點都好，佢呢番言論肯定觸怒數以億計嘅中國人，實有手尾跟，而且仲累埋天空體育；事關天空體育之前已有兩大主播安迪格雷同基斯性別歧視同埋性騷擾事件，家陣荷杜又出事，個台嘅形象花晒啦！