情人節最興就係播愛情片，由鄧麗欣、方力申主演嘅港產愛情片又一次收視仆直，無綫周六高清好戲派播出《十分愛》，收視竟然狂跌8點，得15點有96萬人次收睇，亞視播出《最佳福星》，成功搶走5點，都有7點收視，有45萬人次收睇。無綫劇假期過後收視回升，表現最好係《魚躍在花見》，首周平均收視29點，最高有31點，約198萬人次收睇。