人人都開微博，但係有啲人，你點都估唔到佢會有咁多「粉絲」嘅！話說國家統計局前局長邱曉華，喺上個禮拜五，以「中海油高級分析員」嘅認證身份，喺微博開咗個account（圖），即刻就有成幾萬個粉絲，都幾有明星風範！截至噚晚9點，佢嘅粉絲總數已經達到42348人，雖然佢只係發咗兩條廢話，但係啲人就好熱情，除咗轉發同評論，仲有人喺留言度發邀請信畀佢，請佢出席會議，做能源同經濟方面嘅發言嘉賓……咁佢有咩值得人八呢？2006年10月做咗局長200日，因為重婚罪入獄兼被罷免局長；2008年6月出獄並以中海油高級研究員身份復出，係咪幾傳奇呢！