籌備經年嘅《信報》英文版同英文網站，噚日順利面世！北角英皇道消息透露，噚日《信報》搞咗個小型開檔party，由CEO羅燦（圖）主持開香檳儀式，大家食吓嘢賀吓開檔，順便開埋年咁。
講番份得兩大張紙嘅英文《信報》，據聞會長期夾喺份《信報》裏面，但係呢個禮拜喺中環有得派。噚日華華同班同事都有份先睹為快，well，成個班底基本上係嚟自《南華早報》，所以，字裏行間係有啲熟口熟面咁，但係至搞鬼嘅係，嘉里（683）旗下嘉里物業代理嘅四分之一版廣告！咁《南華早報》都係嘉里郭老闆o架嘛，郭老闆咁有心幫襯班舊伙記賀佢哋開檔，除咗有心，真係唔知講咩好呢！