西九文化區管理局老外一哥謝卓飛上任冇耐就因情緒健康有問題快閃走人，人事變動頻頻，不禁令人懷疑西九風水有乜問題。西九博物館行政總監LarsNittve（圖）上月初履新，佢係瑞典人，一直從事藝術評論工作，噚日出席西九傳媒團拜活動時拐吓拐吓，右腳包到隻糉咁，成為全場焦點。
LarsNittve話上兩個星期去灣仔攞身份證，點知唔小心拗柴，八方細細聲問佢怕唔怕西九好「邪」，佢睇得好開，話喺大年初一前傷腳，相信踏入兔年會行好運。西九員工如走馬燈，似乎大家都係騎牛搵馬，人力資源行政總監鄺配嫻都冇符，指香港經濟向好，預料今年請人會更困難。