【聯賽盃4強】天助南華！南華昨午在大球場上演的聯賽盃準決賽尾場，雖因大雨而幾乎腰斬，惟最終如期舉行，更憑前南斯拉夫國腳前鋒基士文梅開二度，以4:2擊敗不擅水戰的傑志，將於下月27日在元朗大球場與在頭場險勝港會的天水圍飛馬爭冠軍。
南華此戰前3連敗，氣勢不復舊觀，不過今仗面對傑志，就算天氣寒冷且有雨，還是吸引到4,562名球迷入場，場面尚算熱鬧；可是兩隊在濕滑及積水的場地上角逐，明顯影響發揮，亦削弱賽事的可觀性。
伍健：不可賴地爛
這場大雨對強調地面組織踢法的傑志影響較大，部份球員如中堅羅沙度及中場迪亞斯不擅水戰，中後場頻頻傳送失誤而失去控球權，組織亦變得不順暢；所失4球當中，有3球是與場地有關。傑志總領隊伍健賽後認為，踢水戰確實不利球隊爭勝，惟不可賴地爛：「我們賽前定下目標全力爭勝，可惜比賽客觀環境不利我們發揮。輸波當然失望，但令我們可集中在聯賽爭取成績。今仗察覺不少問題，會與教練研究如何改善。」
至於南華經歷3連敗後，昨仗正選陣容上收起有微傷的前曼聯中場畢特，改以老將李海強在中場領軍，前線以基士文拍陳肇麒攻堅；球隊為重振聲威，甫開賽便以極壓迫及硬朗踢法招呼傑志，當中重金加盟的基士文狀態有提升，表現改善不少。
南華戰至32分鐘藉傑志守衞失誤，基士文施射入網，取得加盟南華首個入球，但傑志易邊後瞬即由盧比度扳平，但南華其後由梁振邦、郭建邦及基士文建功奠定勝局，報卻聯賽落敗之仇。
基士文賽後表示，很高興能取得入球：「加盟新球會要時間融入及建立默契，而取得首個入球，壓力大減，與肇麒也越來越合拍，相信入球可源源不絕。臨場落雨有助我發揮，這樣的場地令我感覺像在英國及荷蘭踢波的日子。」而南華足主羅傑承賽後亦指球隊開始融合，畢特不斷提場亦有幫助：「今天是我結婚周年紀念，他們說會送個心和入球給我，贏波是最佳禮物。」
飛馬加時險勝港會
另一場4強戰，天水圍飛馬頭場面對業餘隊港會，全場陷於苦戰，半場落後一球，苦戰至完場前始由李康廉遠射扳平，到加時才藉今季長期坐冷板，此戰後備上陣的卓卓頭槌建功贏2:1，自09年後再闖聯賽盃決賽。
本報訊
花絮：陳七要人唔要波抵鬧
陳七（左）噚日交出兩個助攻，表現算唔錯，但火爆性格依然未改，比賽末段爭波意外俾傑志守衞丹尼踢到，好唔滿意，激到想郁手，球證叫佢冷靜啲。點知阿麒哥完場前睇準機會向丹尼報復，喺底線位置要人唔要波，結果被罰黃牌，咁嘅態度真喺唔要得。
聰仔躁爆球證執法
南、傑大戰場內踢得激烈，後備席亦相當緊張，當中傑志助教鄭兆聰（右）幾次衝出場邊向球證投訴；其中臨完場傑志前鋒梁子成禁區內被南華文彼得踢跌，但球證冇畀12碼，激到鄭兆聰成個彈起。聰仔賽後話冇嬲，只喺唔多滿意執法球證，好多南華過火動作都唔敢畀牌。
畢特簽名球迷開心番
噚日4點幾踢完飛馬對港會頭場，啲雨時落時唔落，原本話南、傑大戰改期踢，不過球證開完會又決定唔到，話5點出去球場睇吓塊地再決定，結果佢哋行咗個圈，將啲波彈嚟彈去，俾鼓譟球迷噓完一輪之後，遲咗差唔多成個鐘，先決定5點3開波。好彩畢特（圖）完場之後幫球迷簽名，佢哋先至開心番！
