港股連跌4日之後，上禮拜五終於反彈120點收市，但兔年第一個禮拜埋單仍跌過千點。
技術上港股今明兩日可延續反彈，日線圖長尾錘頭可支持恒指上試位處23386嘅100日線，呢個位阻力大，唔易一舉突破。
花旗股市繼續推上，從技術形態睇，幾個主要指數今季都會持續上升，對港股氣氛會有幫助。至於港股嘅反彈市，滙控（005）仍會領軍，內銀股亦會有追捧。
工行C輪27535：工商銀行（1398）報收5.68元，升0.7%。股價日前跌穿250日線，但與現價相距唔遠，相信可以升返上去5.85至6元。中線嚟講，工行現價好吸引，內地加息周期開始有利工行，可以買啲C輪27535。
隻輪現價21.6仙，2011年7月4日到期，行使價5.988元，溢價9.2%，引伸波幅28.9%，槓桿率26.3倍（有效9.3倍），正股升上6元，27535睇37.1仙，升幅有71%，正股跌穿5.56元就沽咗隻輪。
俊樺