隨着獨身人數持續上升，越來越多人參加速配約會和六人晚宴等約會服務，但有約會公司的負責人直言，不少男女參加者過於急進和功利，結果弄巧反拙，建議參加者應保持平常心去結交朋友，「在場可能冇個啱你，但可能佢哋啲朋友適合你呢。」
約會服務公司「緣來如始」負責人Jacky表示，參加派對的男女往往未能掌握技巧，以致錯失良機。
男詢年歲 女問財利
Jacky說例如男士不是過度沉默，就是過份多口：「有啲男士會直接問女士幾多歲，仲會即刻話想追人，有啲男士講講吓變咗發牢騷，嚇親人。」女參加者同樣過猶不及，Jacky說：「有啲女士你提咗佢dresscode，但佢依然着到林亞珍咁，有啲就太過功利，即時問男方做乜職位、戴乜錶、住邊區。」
雖然有目標是好事，但Jacky認為參加者不應太短視，「在場嘅男女可能真係無一個適合你，但佢哋身邊仲有好多朋友，可能會係你嘅理想對象。」Jacky表示，不論男女參加約會活動，都應該抱結交朋友心態，拓闊生活圈子。
近年內地城市發展迅速，同樣開始有男女遲婚和未婚問題，為約會服務帶來商機，也為香港獨身男女帶來機會，Jacky年中便會舉辦跨境約會派對，撮合港男北女或港女北男。
本報記者