相對劉德華上一套充滿禪味的動作電影，今趟《我知女人心》刻意營造浪漫的氣氛。不過，對於一個工作大過天的人來說，浪漫變相是一種花不起的奢侈品。
「鞏俐令人心跳」
一直以來華仔自言享受工作多過情人節，他說：「因為要忙為電影宣傳，又要出席首映禮，其實同鍾意我嘅朋友一齊度過，就已經係好浪漫嘅事情。」華仔自言到今時今日仍沒有一個難忘的情人節，因為通常都在工作中度過，他更表示工作就是他的情人，大班人一起度佳節又比較熱鬧。
這次能跟21年前有一面之緣的鞏俐合作拍攝《我知女人心》，華仔承認這是一種緣份，他說：「當年鞏俐嚟香港宣傳《秦俑》，同佢碰過一次面，佢仲請我食過雲吞，之後冇合作過。今次機會好難得，因為佢同好多香港男演員都拍過，惟獨冇我份。」
面對鞏俐這個百分百充滿女人味的女性，華仔享受每一刻跟她拍攝的時間，他笑說：「佢一舉手一投足都散發住獨特嘅氣息，望住佢本來就令人心跳，不過我怕佢嘅fans唔鍾意，所以喺戲入面都冇太大膽嘅場面。無可否認，鞏俐係大部份男性嘅夢想。」