聽日情人節,唔想排長龍逼戲院,屋企享受煲碟二人世界咪仲溫馨!新返《愛情遠着陸》,內容講乜自己買番去睇,值得留意係藍光Bonus收錄咗「專家醒你長距離戀愛小貼士」,如果你因讀書、工作兩人天各一方,並長期靠電話、MSN維繫感情,呢啲專家意見就啱晒你。此外Bonus另有一段「演員眼中的理想約會」,聽吓男女主角茱芭莉摩亞、祖斯汀朗等真人教路,話唔定對你聽晚約會有好大幫助!