瘦田冇人耕，耕開有人爭，西布朗炒咗迪馬堤奧之後，開頭冇乜邊個認頭，大眼仔曉頓連日嚟都係繼任大熱，殊不知日前殺出一個程咬金，仲要係名牌主帥鶴臣（圖），只怪對手來頭太猛，曉頓想搵間護級球隊教吓嘅希望落空，鶴臣周五正式獲委任。不過，63歲嘅鶴臣喺今輪對韋斯咸嘅護級大戰時只會睇波，場波由看守領隊艾比頓帶領。