以前快餐店或者茶餐廳食嘢好平，讀書嗰陣喺啲屋邨食雞髀飯，都係10蚊，仲要有汽水送㖭，但家吓就相反，貴到你唔信。好似嗰間大X樂咁，食個晚飯連埋杯嘢飲，閒閒哋要幾十蚊；嗰間太X仲誇張，試過同個朋友兩個人去食晚飯，埋單成兩嚿水咁滯。喺我認知裏面，快餐店同茶餐廳係畀小市民食嘢嘅地方，價錢應該要平，我明白做生意要賺錢，不過都唔使賺到咁盡啩。至於我好鍾意同成日幫襯嘅麥噹噹，雖然唔使30蚊就買到個餐，不過就成日陰啲陰啲咁加價，而且啲size又陰啲陰啲咁縮，離譜。
愛隊拜仁慕尼黑上個禮拜無厘頭輸俾科隆，今晚返主場對賀芬咸，見佢哋個陣有2R，又有梅拿仔同埋唔再做敗家仔嘅高美斯，唔信佢哋再失分，捧硬[-1]「主勝」。
青蛙仔
心水：拜仁慕尼黑勝[-1]
近5場戰績：LDWLW
心得：拜仁今屆主場信得過