紐卡素真係唔理好醜但求就手。之前傳佢哋領隊柏度睇中家陣冇約嘅前米堡前鋒艾利亞迪里同前多蒙特前鋒艾華頓，但都傾唔掂數，於是佢哋退而求其次，搵咗芬蘭前鋒古基（圖）。34歲嘅古基做兩粒鐘體測後，喺禮拜三同紐記簽約至季尾。古基好大隻，身形拍得住安祖卡路爾，但年紀有番咁上下，而且入球數字偏低，所以好令人質疑佢係咪真係幫到手。