球員同一般人紋身嘅目標一樣，除咗係掛住某啲生命中好重要嘅人物以外，就要為咗型，但有時弄巧成拙。由維拉外借到史篤城嘅挪威前鋒卡維（圖），近日就刻咗句法文紋身，用英文解讀就係有period（月事），搞到被隊友嘲笑。佢應該學吓利物浦嘅丹尼爾艾格，丹麥人成個背脊有好多畫像同埋設計圖案，型爆，唔被選為英超最佳紋身男至奇。