蔡楓華（小圖）重出江湖下個月開演唱會，微博上面仲有埋海報。身為演唱會搞手之一嘅林建名，噚日出席巫啟賢同邰正宵嘅演唱會記招時，就提到原來佢同蔡楓華識咗好耐，雖然呢排冇見過面，不過林生就讚蔡楓華好努力改善自己，仲決心減晒肥咁話。林生又話今次大家都咁支持佢，希望佢唔會再有古怪行徑，俾一個新面貌大家睇吓喎。