Neway群星鄭融、HotCha、劉璇、鄧芷茵、吳日言及韋然今年齊齊有碟出，鄭融繼金曲《紅綠燈》之後，在兔年推出自家製新碟，剛搬新屋的她表示最開心與家人過年。
新一年，每個人希望有新開始，兔年計劃全身投入工作的鄭融，打算在農曆新年後籌備新碟，她日前接受訪問時說：「新年前忙搬屋，搞掂間屋過年，今年最開心可以同屋企人一齊過，我幾年冇喺香港過，今年唔使工作，真係好難得。」
HotCha日本血拼
鄭融兔年願望是可以做一隻自己喜歡的大碟，她說：「今次我會投放更多時間同意見喺隻碟度，同埋搵自己嘅方向，最希望係可以再有一隻好似《紅綠燈》嘅金曲畀我！」
HotCha入行多年，年中無休，今年公司對三小妹格外開恩，准許三人新年後放假一周，她們說：「開心到不得了！」Crystal說：「今年新年都係要做嘢，之後會幫J2台去日本大阪拍一個特輯。」Regen說：「好難得有機會去日本拍嘢，今次會睇吓有冇時間，趁住去日本大出血。」Winkie說：「我最期待公司畀我哋放大假，或者會約埋佢哋一齊去第二度旅行。」
劉璇今年是她由做運動員至加入娛樂圈開始，第一次可以跟家人一起過年，所以她心情相當興奮，她說：「由細到大都冇同屋企人過年，細個要集訓，入咗娛樂圈，就算喺屋企附近，都忙住工作唔可以返去，所似今年真係好難得。」採訪：楊潔雯
攝影：林德雄
場地提供：旺角新世紀
服裝提供：JessicaRed
（鄭融、吳日言）、Esprit（HotCha）