經典銀幕情侶汪明荃和鄭少秋將於4月在紅館舉行演唱會，到時兩人crossover日本新世紀音樂家喜多郎，加上女子團體雅樂團（ViVA-Girls）的伴奏，相信必定能擦出火花。秋官宣傳個唱之餘不忘為早前演出失準的愛女鄭欣宜打氣，更大讚欣宜唱得又跳得，並自爆已狂掃欣宜100隻碟。
汪明荃（阿姐）、鄭少秋這對經典銀幕情侶將於4月1日及2日在紅館舉行「鄭少秋．汪明荃．喜多郎新紀元2011演唱會」，兩人將夥拍日本著名音樂家喜多郎，配上由12位演奏家組成的女子團體雅樂團（ViVA-Girls），將在紅館上crossover擦出火花，阿姐和秋官的經典金曲更會重新編排，令樂迷有耳目一新的感覺。
合作互補長短
阿姐、秋官、喜多郎和7名雅樂團成員昨日到尖沙嘴出席演唱會記招，阿姐和秋官送上百福圖給喜多郎，喜多郎則以迷你太鼓作回禮，雙方表現得惺惺相惜，阿姐坦言雖然與秋官合作無間，但近幾年已甚少合作，與喜多郎更是首次合作，並表示因為要預時間給喜多郎，所以不會找羅家英上台做嘉賓。至於到時會否唱粵曲，秋官即笑說：「係好主意，真係幾特別，喜多郎好nice，而且我同阿姐好有默契，可以互相拉長補短。」
秋官透露早前到新加坡登台，女兒鄭欣宜因有工作在身未有同行，他大爆欣宜性格似足自己，喜歡讓自己忙個不停，又大讚剛出碟的欣宜說：「佢隻新碟幾好，自己都買咗100隻，《畢打自己人》中嗰隻歌好入耳，佢跳舞跳得好勁，連我都跳唔到，佢去過美國同新加坡學跳舞唱歌。」
維護欣宜甩嘴
不過日前欣宜到《勁歌金曲》演出時因甩嘴四次而難過落淚，秋官即維護女兒說：「叻極嘅歌手都有呢啲情況，好難講，大歌手同歌星都會有，所以最緊要熟能生巧，不停咁練，呢啲嘢有時突然發台瘟梗有，總之做到最好。」
喜多郎在台上自爆每次來港都一定要去拜祭Beyond靈魂人物黃家駒，並透露昨日一早已經親往拜祭，他自言家駒是他十分尊敬的歌手，至於演唱會上他會改編梅艷芳的歌曲，還會重新編排《紫釵恨》。
採訪、攝影：藍文浩