陶喆（小圖）前緋聞女友岑潔儀噚日出席喺無綫電視城舉行嘅二月星辰派對，呢個月19號係佢生日，佢話會同新男友去台灣旅行，又會提前搞party慶祝，仲大晒幸福話收到男朋友送嘅鑽戒。問到岑潔儀去台灣會唔會同陶喆見面？佢就話：「搵佢做乜？贈興呀！唔通介紹男朋友俾佢識咩。」問佢仲有冇同對方聯絡？岑潔儀好決絕咁話：「冇喎！」