英國網球手梅禮(圖右)同大滿貫單打冠軍總係差一步,好似喺澳網咁,舊年同今年都喺決賽輸波。攞過6次大滿貫單打錦標嘅德國傳奇碧加就畀料梅禮,話對方如果想成為大滿貫冠軍球手,首先要離開佢嘅網球名將阿媽茱迪(圖左),搵個訓練過大滿貫冠軍嘅教練,好似係教過蘭度同埋費達拿嘅洛捷,教佢打波。咁又係,梅禮大個仔啦,成日黐住阿媽,點樣可以擴闊眼界呀?