【本報訊】兩大連鎖式快餐店悄悄加價，以為神不知鬼不覺，不少熟客決定反擊。大快活常客陳太批評一款牛扒炒蛋早餐，一個月內兩次加價五毫，由22元增至23元；下午茶時段的蜜味燒雞髀米粉連熱飲套餐，由20元增至21元，加幅偏高，決定「幫襯多啲茶餐廳。」
居於鳳德邨的楊太表示，去年大家樂的午餐不斷加價，惟有「忍肚餓」多光顧下午茶。她指其中吉列豬扒茶餐，配牛油厚多士、煎蛋/腸仔/火腿（三選一）和熱飲，去年底只售19元，上月發現已加價2元。她決定反擊，留家煮食。潘小姐則批評大家樂用陰招，將午餐飯的份量減少四分一，變相加價，「有得揀我都會少啲幫襯」。
網友：價錢貴份量少
不少顧客在網上狠批兩大快餐店鬼祟加價，有網民批評大家樂大幅加價，套餐加幅高達15%，「一個幾月前免（治）牛（肉）蛋飯24元加熱飲3元，同一個飯家26元加熱飲5元」。另有人表示「錢就收貴咗，份量就少咗」，「今日去（食）碗叉米、碗又大、湯又多、粉又碎、食幾啖已經夾唔到」。