4屆捷克足球先生施治（左）近排係咁發波瘟，繼禮拜日喺英超同隊友伊雲洛域誤會，搞到車路士主場輸俾利物浦後，喺禮拜三場國家隊友賽，佢棄門衝出嚟解圍唔湯唔水，心口控定後仲學人扭波，搞到俾對手搶走個波射入空門，令球隊最終輸2:4。希望施治佢可以盡快回復正常，若然唔係車仔同領隊安察洛堤真係多得佢唔少。