曼城前鋒泰維斯雖則一啲都唔靚仔，但話晒係英超頂級球星，而且亦係阿根廷國腳，所以當佢舊年同老婆雲妮莎分開之後，大把囡囡黐埋佢身。所謂食得唔好嘥，雖然佢家陣同只有19歲嘅阿根廷演員兼歌手布蘭達拍緊拖，不過仲偷食。
英國啲傳媒踢爆佢喺去年南非世盃決賽周嘅前後，搭上條事業線好勁、上圍有成36C嘅28歲阿根廷電視台姐仔歌迪亞（ClaudiaCiardone、上圖）。當歌迪亞知道對方原來有布蘭達呢個正印女友後，就即刻同佢斬纜。講真，係人都知泰維斯風流，歌迪亞咁都肯黐埋去，係佢自己儍啫；不過，家佢靠呢單花邊新聞出晒名，乜都賺番晒啦！
