九龍東兩分天下，向來被視為選情最悶蛋選區，2012年或會有新衝擊。除咗社民連主席陶君行可能遭幫主毓民單挑，新仇舊恨一次過算賬，民主黨九東票王李華明都極有可能退位讓賢，由胡志偉及民主黨未來新星李耀基接棒。
八方聽聞李耀基準備喺年底區選中直搗秀茂坪南，硬撼民建聯現任區議員麥富寧。李華明喺秀茂坪向來有好多師奶票，可惜民主黨過往多次派人搶攻呢區都無功而還，今次由李耀基擔大旗，以新面孔與老將對戰，希望有轉機，為民主黨在秀茂坪作出零的突破。
無論李耀基區選是勝是敗，明年都有可能與胡志偉分兩張名單出選九東，就算2012年先由胡志偉入局，2016年都有可能同時入圍，身兼支聯會常委嘅佢同時喺九東接華叔班。