人行喺農曆年假結束前突然宣佈加息，令股市再吹淡風。本來花旗股市前晚造好有利噚日港股反彈。不過碰啱加息嘅消息，恒指高開變成大戶另一次高位派發嘅機會，恒指噚日第3日高開低收，報收23164，跌320點，兔年3日累積跌幅超過700點。
恒指50日線同100日線同告失守，成交增至900億，沽壓唔細，雖然22800同22500係兩個好有力嘅支持位，但係氣氛偏淡，股民暫時唔會有勇氣積極入市。
港燈C輪27892：港燈集團（006）收50元，冇升跌，成交顯著增加，反映有資金避險式流入。股價喺100日線樓上已經整固近兩個月，有機會趁跌市炒一轉，防守性股份向來喺淡市都有追捧，可以短炒吓隻C輪27892。
隻輪現價35仙，2011年9月15日到期，行使價50元，溢價7%，引伸波幅29.3%，槓桿率14.3倍（有效6.8倍），正股炒上53元，27892睇53仙，正股跌穿48.80元就沽咗隻輪。
俊樺