隔晚花旗股市造好，帶動噚日港股高開，不過結果同前日一樣，低收結局，恒指報收23484，跌69點，成交增加至737億。跌市成交增，表面睇係利淡，但係恒指靠近50日同100日線支持位波幅同跌幅都較前日收窄，係轉穩訊號，如果噚晚花旗股市向好，港股今日反彈報升收市嘅機會都好大。
滙控（005）繼續支撐大市，收88.80元，升0.9%，升破90元睇94元，短線支持位86.50元。
阿里巴巴C輪25375：阿里巴巴（1688）收16.60元，逆市升2.6%。股價上月中喺17.50元水平掉頭回落，下試15元關現支持再度回升，噚日成交增加配合升勢，有望突破17.50元關，上望18.80元，可吼隻C輪25375。
隻輪現價17.3仙，2011年6月27日到期，行使價16.50元，溢價9.8%，引伸波幅40.9%，槓桿率9.6倍（有效5.4倍），正股升上18.80元，25375睇37.7仙，升幅超過8成，正股跌穿15.80元就沽咗隻輪。
俊樺