雖然立法會嘅調查報告有可能今年出爐，但早前被求愛不遂事件困擾嘅民主黨甘乃威似乎已經走出陰霾，今年新年同太太遊英國，享受二人世界。原來甘威今次係因其民主黨立法會議員身份接受西敏寺民主基金會邀請，參加為期3日嘅交流活動，同當地官員同政界人士交流。
甘威特別同太太提早出發，先娛樂後考察。英遊中嘅甘威不忘推介當地筍嘢，喺網誌話倫敦Paddington火車站電訊公司隻上網USB（一個月2G用量），不過20英鎊，比起酒店每日收15英鎊平好多；火車站內更有平價電訊商提供3p（折合港幣3毫7仙）每分鐘打返香港嘅收費服務，值得向英遊港人推介。