中環在線:港交所團拜墟冚 - 李華華

中環在線:港交所團拜墟冚 - 李華華

港股噚日兔年開市大吉,港交所(388)高層照例落交易大堂,向出市代表大派利是兼拜年!主席夏佳理祝大家身體健康、生意興隆,但係隻兔仔唔生性,最後跳番落嚟搞到紅盤未能高收!不過唔緊要喇,噚日各大業界商會齊齊嚟團拜撐場,人強兼夾馬壯,希望大家可以撐得起今年個港股啦!

李小加(左)派利是派到好hyper,同身邊笑到四萬咁口嘅夏佳理好合拍喎。

朱太朱李月華(左)噚日着到紅噹噹,夠晒應節同搶鏡。 程志遠攝