【本報訊】「好多80後都唔怕辛苦但社會向上流動嘅機會，窮人真係比家境好嘅人少。」另一名「窮富翁」、已故名律師周啟邦之子周國豐認同，家境富裕的年輕人擁有教育及事業上的優勢，又指現時80後每天努力工作只能餬口，看不到前景也儲不到錢，無法改善生活。今後他會想想如何協助肯努力的年輕同輩，尋找更多「出頭」機會，希望「幫到一個得一個」。
家境好事業有優勢
周國豐是名大狀清洪徒弟之一，25歲的他已是大律師，拍攝節目時需四出找工作，到鞋店見工假裝中五畢業，會考中英數及格，「見初級sales，佢都話要兩年經驗，叫我等消息」，他最終當速遞員及珍珠奶茶店員，需拿10公斤重的貨件四處去及在茶店內「一腳踢」，每晚與另一80後青年同住。
「時薪24蚊個鐘，同同事傾偈，佢哋都話冇諗將來，我都覺得喺度做一年、兩年又點，都儲唔到錢。」他指家境好至少在教育上取得優勢，事業起步會更容易，「如果80後連生活都有問題，將來社會靠我哋喎，咁會變成點呀？」他坦言不知有甚麼方法可改變社會現況。
母女一起參與拍攝的姜太及10歲女兒姜詠琳，前者做兼職洗碗工，後者入讀鮮魚行學校，丈夫是美資銀行大班的姜太也認同，不同的家庭背景令小孩的起步點產生天淵之別，「以跑100公尺比喻，我個女一開始已經喺200甚至300公尺位置」。