花旗股市靠穩，港股兔年第1個交易日承接上日嘅升勢高開，但係沽盤隨即湧現，恒指結果倒跌355點收市，報收23553，接近全日低位，氣氛轉淡。
技術上恒指補回上升裂口，指數正企喺支持位，50日同100日線亦相當近，係另一條有力防線，整固之後會再上試23800至24000阻力區，留意指數向上或向下突破都好大機會出現單邊市，要做好兩手準備。
思捷C輪28140：思捷（330）噚日報收38.85元，升2.9%。股價過去兩個月一直喺低位橫行，幾次反彈都受制於50日線，噚日終憑大成交向上拋離呢條線，短線有機會突破40元進一步推向43元，可以諗吓隻C輪28140。
隻輪現價32仙，2011年7月18日到期，行使價39元，溢價8.6%，引伸波幅35.2%，槓桿率12.1倍（有效6.2倍），正股升上43元，28140睇58仙，升幅81%，正股跌穿37.50元就沽咗隻輪。
俊樺