下個月會回歸香港開演唱會嘅王菲一向篤信佛理，近年亦沉迷玩微博，估唔到佢因為佛理，噚日搞到同人喺微博開火！事緣內地有座寺廟起火，但出奇地有一座佛像竟然絲毫無損，阿菲留言認為係某種力量嘅結果，但係一位名為方舟子嘅老師就留言反駁，話不妨用佛像嚟試驗一下，相信佛都會好樂意云云，結果搞到阿菲同呢位方舟子互相留言討論，當中火藥味都幾重。