喺任內大力拓展退休保險同強積金市場嘅滙控（005）集團前保險一哥──常務董事白樂達（CliveBannister，圖），自從舊年退休之後，蟄伏咗一段時間，靜極思動，已經悄悄復出，加盟英國專門從事閉端壽險基金業務併購嘅Phoenix集團，擔任行政總裁，接替辭職嘅JonathanMoss，7月將會完成交接。
任職獅子行期間，白樂達先後掌舵滙豐環球私人銀行同保險業務，後者更佔集團稅前盈利貢獻達兩成。佢老哥雖然唔係常駐香港，但係以往每年都嚟香江一兩次，見吓傳媒，華華覺得白生相當平易近人。佢仲曾經透露，最大嘅嗜好係放假時DIY自製木工家具！
講番白樂達喺Phoneix嘅新任命，據外電報道，佢年薪70萬英鎊，有得分紅同受惠長期激勵機制安排。