吳君如今年忙個不停，連環出擊宣傳有份演出的賀歲片，其中她最瞓身宣傳的當然是另一半陳可辛監製的《神奇俠侶》，日前她與導演谷德昭一同到谷祖琳位於西環的甜品店，親手整炸湯圓應節。
身為老闆娘的谷祖琳手勢純熟，君如則雞手鴨腳，她坦言平日甚少下廚，幸好囡囡在學校有家政課，囡囡最拿手是整曲奇餅。
整湯圓雞手鴨腳
平日君如經常教囡囡要跟別人分享，但有次她卻被激到不知好嬲還是笑，君如說：「有次我同囡囡行街，中途我去㩒錢，個女問我攞錢就要去shopping，我唔畀，佢就話我唔禮貌，一方面教佢要sharing，所以我有錢應要share畀佢，真係俾佢激到反白眼。」君如自言最後無計可施，給了400元囡囡買東西。
採訪：魯萍
攝影：葉君海