現懷有孖胎的陳慧琳（Kelly），趁着農曆年假期共享天倫之樂，跟老公Alex及蝦餃仔劉昇度歲之外，又帶蝦餃仔到親友家拜年利是，而她亦準備了六位數字的利是派給親友同事，實行皆大歡喜。至於新年願望，Kelly首要是孖B及蝦餃仔身體健康，以免她和老公心痛肉赤。
圈中潮媽陳慧琳上月宣佈懷有孖胎，因此在兔年將有兩位新家庭成員加入，難怪Kelly今年最大的願望，就是所有人健健康康，尤其是肚內的一對兔BB和大仔蝦餃仔劉昇。
帶囝囝四出拜年
Kelly坦言自從做了媽媽後，才真正感受到仔女的身體健康才是最重要，故此她誠心希望腹中兩個BB以及蝦餃仔在新一年健健康康和開開心心，這樣她已心滿意足。Kelly坦言：「每次蝦餃仔有病嘅時候，我真係好擔心，搞到連瞓都瞓得唔好，真係寧願有病嗰個係自己。」
至於在剛過去的幾天農曆年假期，Kelly透露和老公Alex帶着蝦餃仔到長輩家拜年利是，她會儲起蝦餃仔的利是錢，待他長大後一次過給他，又或者考慮用來供一些教育基金。至於Kelly自己的利是錢，她會全數捐給「陳慧琳兒童助學基金」，希望繼續幫助更多有需要的小朋友。
問到對蝦餃仔及腹中孖B將來有甚麼期望時，Kelly表示：「最緊要係小朋友搵到自己嘅興趣，生活得開心，好似讀書咁，只要畀咗心機，盡咗自己能力，就算攞唔到好成績都冇乜所謂，因為每個人嘅才能都唔一樣。」她坦言絕不想給小朋友太大壓力。
派利是人人有份
另外Kelly亦一如往年，會派利是給所有親戚朋友和同事，她透露約花了六位數字，她笑說：「最緊要係人人有份，大吉大利。」
撰文：葉雪
