年初一同友人睇波賀歲，乘興而去，敗興而回，賀歲波自從由足總自己主辦，放棄由嘉士伯經營，可謂一蟹不如一蟹；以前，有本港宿將「耶穌」居里專項事辦，往往邀得國家隊來港爭標，真箇「爛船都有幾斤釘」，為豐厚獎金打得頭崩額裂，絕無欺場，優勝劣敗！現時，隨便找來幾隊亞洲球隊充數，新春水鬥水，除了意頭之外，得啖笑，都幾難，去年更創「新獻」，竟然棄初一而就初四，打破賀歲「傳統」，當球迷是阿斗，如此破舊立新，敗筆之至！
今年，又以南華代表香港參賽，以為挖得畢特及基士文兩位名宿壓陣，就可財大氣粗，傲視球壇。殊不知老驥伏櫪固易，千里之志難尋。兩人當紅之際，已非神乎其技之帥材，而是迂迴穿插之工兵，一旦年華老去，又豈能老臣在在，運籌帷幄，憑腳下功夫，打通隊中經脈，發揮以老帶新，坐鎮中樞之效？別的不說，就以上世紀80年代初而論，當時班霸精工，先後引入荷蘭半退球星韋伯、迪莊、穆倫、連尼加賀夫、南寧加，盡皆躋身世界盃決賽23人名單，再輔以胡國雄、陳發枝、曾廷輝等輩土產球星，更重金禮聘曾任教荷蘭國足之盧保先生督師；季前開赴彼邦集訓，令眾將大開眼界，絕不敢故步自封！如此派頭，尚不敢夜郎自大，妄自菲薄，賀歲波迎戰外隊，還不是派兵加入港聯，為本地足壇耕耘再三？
夜郎小國，驕奢自大，球壇如此，夫復何言！
文：長毛