【本報訊】深水埗一個新春「收爐」玉器牌檔，昨大年初三遭匪徒爆竊，失去一批玉器，惟女檔主不經意地說：「啲賊咁儍o架！下價貨先會放喺檔口過年，變賣咗都可以夠錢飲杯茶嘅」！
被爆竊玉器牌檔位於北河街109號對開路邊，56歲姓郭女檔主，有逾20年售賣玉器經驗。檔口每晚收檔後，她均以鐵網加鐵鏈鎖頭將檔口鎖上。
「唔值錢下價貨」
事發昨上午11時許，有街坊行經玉器檔，發現檔口鐵網打開，立即通知郭返回檔口。郭發現鎖着鐵網鐵鏈被人剪開，立即報警。
警方調查後，懷疑匪徒昨凌晨時分爆竊。郭點算財物後證實損失一批玉器包括玉鈪等，惟她一點不覺心痛：「貴價貨都唔會擺過夜啦，何況新年幾日唔開檔！被偷嘅全部都係唔值錢嘅下價貨，太濕碎啦，值幾錢我都唔記等囉」！