正所謂禍從口出，紐卡素隊長路蘭（右）接受利物浦電視訪問時，居然話好高興見到老友安祖卡路爾（左）轉投紅軍，結果俾「喜鵲」球迷狂插；路蘭即時出嚟道歉，話對於冇咗個咁有級數嘅隊友，感到好失望。雖則佢認衰，但就堅持利物浦係偉大球會，所以冇人可以否定卡路爾投紅軍，係一次最重要轉會。路蘭猛咁擦紅軍鞋，唔通想鋪路博再同卡路爾做隊友？