近幾年養傷多過比賽嘅熱刺中堅京治（圖），本應喺禮拜四飛去德國做鼠蹊手術，點知佢唔見咗本護照，搞到個手術要延至下個禮拜。領隊哈利列納好唔高興咁話：「京治搵唔到本護照，飛唔到，咪做唔到手術囉！」京治因為大頭蝦而搞到手術延期，似乎唔着緊自己嘅足球事業；睇嚟佢好番之後，隨時俾哈利列納叮走。