賈曉晨（JJ）早前帶父母到埃及旅行，誰知遇暴動，離開時像逃亡。JJ昨日隻身返港在機場說：「我哋28號到開羅，睇完金字塔，夜晚就有動亂遊行，都唔知點算好，於是坐火車去盧克所，途中見到好多人遊行同燒車，我哋一衝入火車站即刻閂咗站。」
見無數坦克車
JJ帶着父母到了不太混亂的紅海，遇到幾位香港旅遊人士，其後中國領事館派人到紅海，接他們回開羅坐包機。JJ邊說邊激動得眼濕濕：「我哋坐咗7個鐘巴士返開羅，沿途見到無數咁多坦克車，曾經有啲人圍住我哋架巴士唔畀行，好彩冇衝上嚟。」她謂一團17人，她跟着父母乘坐頭一轉包機到北京，剩下半團人未知情況，她說：「淨係排隊上機都排3個鐘，我哋個團5號先返o架。」
問到可有追討保險金及旅費？JJ說：「冇諗，淨係好驚，當地導遊都話屋企俾人打劫同搶車。好彩中國政府承諾48小時內畀我哋走。」
採訪：譚倩宜
攝影：陳順禎
