蓋鳴暉噚日喺新光戲院為初三公演嘅粵劇《蝶海情僧》做總綵排，鄭丹瑞、車淑梅同老闆李居明都有嚟探班，李居明話今次投資開戲投資得好開心，佢話：「齣劇遲啲會喺北京演出，之前畀啲領導睇過總綵排，大家都畀高度評價！」蓋鳴暉就話，自己入行20年，終於有齣屬於自己嘅劇，所以希望今次嘅演出可以做到吐氣揚眉，唔好失禮大家。