兔年首次同讀者見面，首先向廣大《蘋果日報》讀者拜年，恭祝新年進步、萬事勝意。
話晒仲係新正頭，當然要說點好東西，之不過樓市升勢未停，對於一批未上車的市民，兔年真是很難作入市決定的一年。由於樓價累積很大升幅，人工追不上之外，打擊炒家措施演變成用家被打擊，去年原本想待樓價回落一成左右的準入市者，結果又一次失望而回，收埋利是也買不到一呎面積。
變投資者收租樂園
而且樓價現瘋狂走勢，即使居屋，樓價也亦步亦趨，緊貼私樓升幅，最近一宗位於太古城毗鄰的康山花園，二手居屋呎價創97年新高，達每方呎7300元，兩房售價380萬元，市區居屋也要貼近400萬元，二手居屋已不再是廉價，究竟我們的特區政府多番出招是抑壓樓價，或是刺激樓價，暫時表面證據估計，大部份人也認同樓價升勢停不了的事實。
既然二手居屋不再便宜，家買入會否高位接火棒？上車客還有沒有其他選擇？呢兩個問題相信任何專家都很難解答，何況現時資金太多，排隊流入香港，有人買樓，亦有資金等緊買人仔產品，總之家開始，令到有錢投資的市民就快入局，看來政府把口話抑壓需求，希望樓市健康發展，結果又一次應驗，講多錯多，明遏實升。
早前宣佈徵收額外印花稅後，有批膽細的炒家趁早沽貨套現，家揸住筆現金又買唔番，所以轉向細價樓埋手，始終認為細價樓有用家市場，買回來收租待兩年後才轉售，財息兼收，同時搞到二手居屋賣一件便少一件。受到康山花園單位創新高價刺激，令到周邊居屋業主又再次封盤加價，叫價誓創同類單位新高，寧願暫時賣不出，也較賣平啲好。
所以在農曆新年後，估計二手居屋成交又會轉旺，單以呎價與私樓仍有少許距離，又有用家承接，居屋又變回投資者收租樂園了。
劉兆昌
http://www.HKLau.com