腹大便便嘅李嘉欣，有傳會喺呢個月8號，即係初六開刀生許家小王子，但係嘉欣個奶奶就俾發現喺養和醫院出現，所以就傳出佢已經秘密入院準備開刀迎接許家小王子出世。一向都好鍾意玩微博嘅嘉欣，噚日突然貼咗一張卡通相片，當中寫住「GoneCrazy....BeBackSoon」，唔通許家小王子突然提早出世？不過經理人陳善之就話未收到消息。